Дэлхийн 20 орон, 14,000 км замыг туулж мөрөөдлөө биелүүлсэн Б.Очирваань эх орондоо ирлээ

Дэлхийн 20 орон, 14,000 км замыг туулж өөрийн мөрөөдлийг биелүүлсэн Б.Очирваань эх орондоо ирлээ.
“Манчестар Юнайтед” клубийн дэмжигч Б.Очирваань хүсэл мөрөөдөлдөө хөтлөгдөн 2023 оны тавдугаар сарын 8-ны өдөр дугуйгаар Английн Манчестер хотыг зорьсон.
Бүтэн жилийн хугацаанд 14,000 км замыг туулж мөрөөдөл болсон “Манчестар Юнайтед” багийнхаа Олд Траффорд стадионд өөрийн шүтээн хөлбөмбөгчин Уэйн Рүүнитэй уулзаж чадсан нь хөлбөмбөг сонирхогч залууст итгэл найдвар, урам зориг өгсөн юм.
Яг одоо “Манчестер Юнайтед”-ын фанат Б.Очирваань Нисэхийн тойргоос дугуй сонирхогчдын хамт Сүхбаатарын талбай руу ирж явна. Түүний дугуйтай парадыг Тээврийн цагдаагийн алба дэмжин ажиллаж, дугуйчдын аюулгүй байдлыг хангаж байгаа аж.