Хөдөлмөрийн хөлсний доод хэмжээ өнөөдрөөс /2025.04.01/ 792,000 төгрөг болж нэмэгдлээ.

Хөдөлмөрийн хөлсний доод хэмжээ 1995 онд 9600 төгрөг байсан бол 2011 онд 140,000 төгрөг болгож байв. Түүнээс хойш хөдөлмөрийн хөлсний доод хэмжээг найман удаа нэмснээр 5.6 дахин өсч хөдөлмөрийн хөлсний доод хэмжээ 660 мянган төгрөгт хүрсэн байна. Тэгвэл 2025 оны 4 дүгээр сарын 1-нээс хөдөлмөрийн хөлсний доод хэмжээг шинэчлэн тогтоосноор 660,000 төгрөгөөс 89,100 төгрөгийн нийгмийн даатгалын шимтгэл төлдөг байсан иргэн, 792,000  төгрөгөөс 106,920 төгрөгийн нийгмийн даатгалын шимтгэл төлөхөөр өөрчлөгдөж байна. 

Өөрөөр хэлбэл, хөдөлмөрийн хөлсний доод хэмжээ 20 хувиар нэмэгдэж үүнийг дагаад нийгмийн даатгалын шимтгэл нэмэгдэж байгаа юм.

Мөн уул уурхай, барилга, зам тээвэр гэхчлэн тодорхой салбарууд салбарынхаа зохицуулалтаар хөдөлмөрийн хөлсний доод хэмжээгээ тогтоох эрхийг нээлттэй байлгахаар тогтсон байна. Хөдөлмөрийн хөлсний доод хэмжээг тогтоохдоо дараах хүчин зүйлсийг авч үздэг.

Үүнд:

• Хүн амын амьжиргааны доод түвшин
• Хөдөлмөрийн бүтээмж дундаж цалингийн зохистой харьцаа
• Нийгмийн даатгалын сангаас олгох бүрэн тэтгэврийн доод хэмжээ
• Эдийн засгийн өсөлт, хөдөлмөр эрхлэлтийн түвшин
• Инфляци хамаарна.

Манай улсад 171,300 гаруй хүн сайн дураар нийгмийн даатгал төлдөг аж.