• 2025/04/5
  • 3449.0$
  • +15

Холбоо барих

“Сансар” баг өнөөдөр хэсгийн тоглолтоо эхлүүлнэ

“Сансар” баг өнөөдөр хэсгийн тоглолтоо эхлүүлнэ

Энэ амралтын өдрүүдэд зохион байгуулагдах “Улаанбаатар Дэлхийн Их Дуулга” тэмцээн өнөөдөр нээлтээ хийнэ. “FIBA 3x3” Дэлхийн Их Дуулга тэмцээн түүхэндээ анх удаа Монгол Улсын нийслэл Улаанбаатар хотноо зохион байгуулагдаж байгаагаараа онцлогтой.

Өнөөдрийн хэсгийн тоглолтыг “Сансар“ баг, Миамигийн багаар эхлүүлнэ. Тэмцээний чансааны есдүгээр байрт эрэмбэлэгдэж буй "Сансар" багийн бүрэлдэхүүнд А.Ананд, Н.Мөнхчөдөр, М.Өлзий-Орших, О.Энхбаатар нар байгаа.

Тус тэмцээний онцлох үйл явдлуудын нэг бол “Dunk”-ийн тэмцээн юм. Дэлхийн шилдэг цагираган дээрээс довтлогчид болох Польшийн Piotr Grabowski, Норвегийн Bartosz Szwed, Казахстаны Ruslan Ligay нар Сүхбаатарын талбайд өрсөлдөж, аваргаа тодруулна.

Ингээд “Улаанбаатар Дэлхийн Их Дуулга” тэмцээний хэсгийн тоглолтуудын хуваарийг танилцуулж байна. Хэсгийн тоглолтууд бямба гарагт явагдах бол хасагдах шатны тоглолтууд ням гарагт болно.