Нийслэлийн Аялал жуулчлалын газар болон “Скаллс” мото клуб хамтран “Талын салхи-2024” олон улсын мото наадмыг энэ сарын 8, 9-нд Цонжинболдогт зохион байгуулна.

Энэ жилийн наадамд БНХАУ, ОХУ, БНСУ-аас нийт 450 орчим моточин оролцох юм.

Жил ирэх тусам нийт оролцогч, сонирхогчдын тоо өссөөр байгаа аж. Тухайлбал, нийт оролцогчдын тоо өнгөрсөн оныхтой харьцуулахад 20 хувиар өсжээ.

Мөн мото аялал хийдэг ААН-ийн тоо нэмэгдсэнээс гадна БНХАУ, ОХУ-аас зорин ирэх жуулчид, оролцогчдын тоо өссөн байна. “Талын салхи-2024” олон улсын мото наадмын үеэр мотоциклийн чөлөөт үзүүлбэр, үзэсгэлэн, мото сонирхогчдын тэмцээн, галын шоу, DJ шоу, циркийн үзүүлбэр зэрэг арга хэмжээ зохион байгуулагдах юм байна.