Ерөнхий боловсролын сургуулиудын 2024-2025 оны хичээлийн жилийн II, III улирлын амралтын хуваарийг танилцуулж байна.

Сурагчдын амралтын хуваарьт нийслэлийн сургуулиуд 3-р сарын 31-нээс 4-р сарын 4-нийг дуустал бие даалтын долоо хоног буюу сурагчид танхимаар хичээллэхгүй байхаар тусгасан. Энэ долоо хоногт сурагчид музей, урлагийн тоглолт үзэх, спортоор хичээллэх зэрэг танхимаас гадуурх зохион байгуулагдах хөтөлбөрт хамрагдана. Ингээд нийслэлийн сургуулиудын II улирлын амралт 4-р сарын 7-11-нийг дуустал үргэлжилнэ. III улирлын хичээл 4-р сарын 14-ний даваа гарагт эхэлнэ.

Хөдөө орон нутгийн сургуулиудын хувьд 3-р сарын 24-28-нд бие даалтын долоо хоног эхэлж, 3-р сарын 31-нээс 4-р сарын 11-нийг дуустал II улирлын амралт үргэлжилнэ. Хичээл 4-р сарын 14-ний даваа гарагт эхэлнэ.

III улирлын амралт:

• Нийслэл, орон нутагт: Бага анги 2025 оны 6-р сарын 9-ний өдрөөс
• Дунд, ахлах анги 2025 оны 6 дугаар сарын 16-ны өдрөөс эхэлнэ.