Ерөнхий сайд Л.Оюун-Эрдэнэ энэ сарын 13-15-нд БНХАУ-д айлчилна.

Уг айлчлалаар “Гашуунсухайт- Ганц мод боомтын хил дамнасан төмөр зам, нүүрсний худалдаа, Тавантолгойн нүүрсний уурхайн хүчин чадлыг нэмэгдүүлэх хамтын ажиллагааны тухай Монгол Улсын Засгийн газар болон БНХАУ-ын Засгийн газар хоорондын хэлэлцээр”-т гарын үсэг зурах үйл ажиллагаанд оролцох юм.

Удаан хугацаанд яригдаж буй уг хэлэлцээртэй холбоотой асуудлыг УИХ-ын Аюулгүй байдал, гадаад бодлогын байнгын хороо болон Эдийн засгийн байнгын хороогоор хэлэлцэж, Засгийн газарт хэлэлцээрт гарын үсэг зурах эрхийг хуулийн дагуу олгосон билээ.

Энэхүү хэлэлцээрт манай улсаас Зам тээврийн сайд Б.Дэлгэрсайхан, Аж үйлдвэр, эрдэс баялгийн сайд Ц.Туваан нар гарын үсэг зурах бол БНХАУ-ын талаас Хөгжил шинэтгэлийн хорооны дарга гарын үсэг зурах юм байна.