Бруней Даруссаламын Засгийн газраас Олон улсын оюутнуудад зориулсан тэтгэлэгт хөтөлбөрийн бүртгэл эхэлсэн байна. Уг хөтөлбөрт диплом, бакалавр болон магистрын түвшний оюутнууд хамрагдана.

Тэтгэлэгт сар бүрийн 650 Бруней доллар буюу 1,600,000 орчим төгрөгийн амьжиргааны зардал болон дотуур байрны төлбөр, сургалтын төлбөр зэрэг багтана.

Тавигдах шаардлага

•  Монгол Улсын иргэн, эрүүл байх;
• Бакалаврын болон дипломын зэрэгт суралцах оюутан бүрэн дунд болон түүнээс дээш боловсролын гэрчилгээтэй, сурлагын дүн сайтай, 25 хүртэлх настай байх;
• Магистрын зэрэгт суралцах бол бакалавр ба түүнээс дээш зэрэгтэй, 35 хүртэлх настай байх /тэтгэлэгт хөтөлбөр эхлэх хугацаа буюу 7 сарын 1-ний өдрийн байдлаар/;
• Хэлний түвшин  /IGCSE- “С” үнэлгээ; GCE-O түвшин; IELTS-6 оноо; TOEFL-550 оноо/ байх;

Жич: Хүсэлт гаргагч тус хөтөлбөрт өмнө нь хамрагдаагүй байх.

Бүртгэл хоёрдугаар сарын 15-ны өдөр хүртэл үргэлжилнэ.

Тэтгэлэгт бүртгүүлэх холбоос: https://apps.katalyst.gov.bn/bdgs-mfabrunei/applicationform

Тэтгэлэг болон сургуулийн талаар дэлгэрэнгүй мэдээллийг: https://www.mfa.gov.bn/Pages/online-bdgs.aspx