“Харанга” хамтлагийн 35 жилийн ой энэ жил тохиож буй. Тус хамтлаг ойдоо зориулан “Амьдрал” нэртэй амьд хөгжмийн наадмыг өнгөрсөн сарын 24-нд Төв цэнгэлдэх хүрээлэнд зохион байгуулсан.

Бүтэн өдрийн турш үргэлжилсэн уг тоглолтод Монголын рок попын бүх төлөөлөл оролцож, ойрын он жилүүдэд тоглогдоогүй томоохон хэмжээний тоглолт болж өнгөрсөн. Үзэгчдийн сэтгэлд нийцсэн үнээр сайхан тоглолт байсан хэдий ч үзэгч фэнүүдийн зүгээс тоглолтыг дахин тоглуулах хүсэлтэй байгаагаа хэлж байсан.

Тэгвэл “Харанга” хамтлаг өөрийн цахим хуудастаа “Үзэгчдийн хүсэлтээр Haranga unplugged тоглолтоор уулзацгаая” хэмээн бичжээ. Ямартай ч Монголын рок попын амьд хөгжмийн домог болсон “Харанга” хамтлаг фэнүүдийнхээ хүсэлтээр дахин тоглолтоо хийхээр болов. Харин тоглолт хэзээ, хаана болох нь удахгүй тодорхой болох байх. 

Админ