Аймаг, нийслэл, сум, дүүргийн Иргэдийн төлөөлөгчдийн хурлын ээлжит сонгууль ирэх сард болох гэж байгаатай холбогдуулан өчигдөр улс төрийн намууд хуралдаж нэр дэвшигчдээ тодруулаад байна.

Энэ удаагийн орон нутгийн сонгуульд АН салбар бүрийн төлөөллийг оруулж байгаа аж. Энэ тухайгаа ч Нийслэлийн АН-ын дарга, НИТХ-ын төлөөлөгч Т.Батцогт АН салбар бүрийн мэргэжлийн төлөөллөө энэ сонгуульд өрсөлдүүлэхээр илгээж байгаагаа онцолсон.

Тэгвэл “LUMINO” хамтлагийн гишүүн Бажи буюу Б.Батхишиг Сонгинохайрхан дүүрэгт АН-аас нэр дэвшихээр болсон байна.

Тэрээр ийнхүү улс төрийн сонголт хийсэн талаараа өөрийн цахим хуудастаа “Энэ бидний амьдарч байгаа хот маань ямар байгаа билээ, хэр аз жаргалтай байгаа билээ, ядаж дунд нь орж, болохгүй байгаа зүйлийг нь нүдэн дээр нь шүүмжилж хэлэх юмаа хэлж, энэ идэж уугаад байдаг зүйлийг нь л багасгахад л оролцох гэсийн, энэ хотын унаган хүүхэд энэ хотоо л гоё болгох гэж хичээнэ, өөр зүйл байхгүй нас маань ч одоо 44 хүрчлээ, хотдоо сэтгэл гаргаж энэ хотоо гоё болгохын төлөө үгээ хэлдэг нэгэн байх ёстой гэж бодож байгаа” хэмээн бичжээ.

Админ