Цахим системд суурилсан Pearson англи хэлний цогц хөтөлбөр 2024-2025 оны хичээлийн жилд төрийн өмчийн 100 сургуулийн 3, 4 дүгээр ангид, бүх сургуулийн 5-7 дугаар ангид, туршилтын сургуулийн 8-11 дүгээр ангид хэрэгжинэ.

Энэхүү хөтөлбөрийг 3, 4 дүгээр ангид хэрэгжүүлэх нийслэлийн 34 сургуулийн 120 багшид арга зүйн дэмжлэг үзүүлэх, цахим платформ дээр ажиллах ур чадвар олгох, дадлагажуулах зорилготой танхимын сургалтыг Боловсролын ерөнхий газар, Pearson байгууллагын Монгол дахь төлөөлөгчийн газар болох Ай И Ди Си байгууллагатай хамтран 2024 оны 08 дугаар сарын 26-29-ний өдрүүдэд ерөнхий боловсролын 23 дугаар сургууль дээр танхимаар, орон нутгийн 66 сургуулийн 100 багшид цахимаар тус тус зохион байгуулж байна.

Ерөнхий боловсролын 3, 4 дүгээр ангид үндэсний агуулгыг багтаасан "Rise & Shine" англи хэлний сурах бичгийг ашиглан, цахим платформд суурилан хичээл сургалтын үйл ажиллагааг зохион байгуулна.