Боловсролын сайдын тушаалаар хичээлийн жилийн бүтцийг баталж, нийслэл, аймаг болон сумын ерөнхий боловсролын сургуулиудад хүргүүлсэн байна.

Хичээлийн шинэ жилийн бүтцийг эрт өгснөөр сургуулиуд бүтэн жилийнхээ тогтмол ажлын төлөвлөгөөг боловсруулан, эцэг эх, сурагчдад эрт мэдээлэх үүний үр дүнд гэр бүлийн амралт, аялал, эцэг эх ажлын төлөвлөлтийг хийх боломжтой гэж салбар яамны зүгээс үзэж байгаа аж.

Мөн энэ хичээлийн жилийн төлөвлөлтийн нэг онцлог нь бие даалтыг оруулж ирсэн байна. Бие даалтын хугацаанд музей, театр үзэх, 6 настнуудыг нүд, шүд, зүрх судасны оношилгоо, гамшгийн сургалтад хамруулах зэрэг ажлыг зохион байгуулах юм.

2024-2025 оны хичээлийн жилийн

• 1-р улирлын амралтыг арванхоёрдугаар сард,
• 2-р улирлын амралтыг дөрөвдүгээр сард,
• 3-р улирлын амралтыг зургаадугаар сард байхаар төлөвлөжээ.