АНЭУ-ын Абу Даби хотод жүдо бөхийн насанд хүрэгчдийн дэлхийн аварга шалгаруулах тэмцээн тавдугаар сарын 19-нд эхэлсэн.

Тэмцээн тав хоногийн турш үргэлжлэх юм. Олимпын эрхийн оноо олгох уг тэмцээнд 104 орны нийт 633 тамирчин оролцож байгаа бол манай улсаас 18 жүдоч эх орноо төлөөлөн оролцож байна.

Тэмцээний эхний өдөр эмэгтэйчүүдийн 48 кг-ийн жинд Үндэсний шигшээ багийн тамирчин Б.Баасанхүү Италийн жүдочийг вазари үнэлгээгээр ялж, алтан медаль хүртлээ. Тэд өмнө нь гурав барилдахад Б.Баасанхүү хоёрт нь ялж байжээ. Тэрбээр ийнхүү жүдо бөхийн ДАШТ-ээс Монголын баг тамирчдын 28 дахь медалийг хүртэв. Түүний энэ алтан медаль манай жүдочдын дэлхийн аваргын зургаа дахь алтан медаль юм.